Un dos meus primeiros colaboradores,
Norberto Tabares envíame dúas novas xoias do seu álbum fotográfico, esta vista
do Ourense de 1957 que hoxe comparto convosco, e outra que veremos noutra
ocasión e que me serviu para situar unha vella e interesante fotografía de
1900, pero iso será noutra ocasión; hoxe imos darlle voltas a esta orixinal
vista da cidade.
O propio Norberto dáme os datos básicos da fotografía, así que ¡traballo feito!
Observarás que a panorámica está datada no ano 1957 e aínda non
se construirá a torre de Ourense. Na foto
pódese ver o portalón da entrada principal, a leira estaba dedicada a viñedo e
tiña varias casas no seu interior, xunto a unha enorme adega con gran cantidade
de cubas. A gran pena é que a vista non permite ver o famoso piñeiro de Santa
Mariña que tiña máis de 100 anos e un enorme perímetro….
Pregúntame Norberto se
teño algunha fotografía desa gran árbore, e por desgraza no meu arquivo non
teño ningunha; se algún de vós tena, agradeceríalle que me facilitase unha
copia dixital.
Grazas de antemán.